تدري وش اللي يتعب البنت ياخوي...؟!

من طرف **بــدور** الجمعة 05 سبتمبر 2008, 8:57 pm

تدري وش اللي يتعب البنت ياخوي...؟!
رجـلٍ يخـون اشواقـهـا و الـمـودة

إللي إلا احتـاج الغـلا صـار نمـرود
وليـا شبـع ممـا عـطـاه إسـتـرده

البنت ريحانة غـلا ... ناعمـة عـود
تبـي لهـا رجـلٍ ورث طيـب جــده

رجلٍ فعولـة كلهـا جـود فـي جـود
مـا يلتفـت للـي كفوفـه تمـده ...!!

رجـلٍ إلا جـتـه الليـالـي بمنـقـود
يتكـى لهـا مـا بيـح الوقـت سـده

مهوب خبلٍ مـا رعـى للهوى عهـود
وادنـاة مـا عـارض طريقـه يــرده

ولاهوب لاعلـة ... ولاهـوب ملهـود
ولا شكـوك ... و كـلٍ طـارئٍ يحـده

ما اشين من الرجـال لا جـاك ببـرود
وإن قال له تـرف القـدم شـي صـده

تبـي لهـا بـراق طيـبٍ لـه رعـود
إن اجدبـت يمطـر علـى ريـف خـده

وإن نادته تكفـى لقـت عنـده الفـود
يشيـل عزتهـا علـى قــو زنــده

كفه نفل ... وانفاس صدره لهـا عـود
وظلالـه الضـافـي بيـدهـا تـمـده

البنت خد ... وقـد ... ونواظـرٍ سـود
وريحة غلاً ... ياسعد مـن شـم نـده

البنـت إلا ضحكـت ثمرهـا لـك ورود
يا خوي مـن يقطـف نواويـر وردة

واللي يهين البنت ناقـص ... ومقـرود
فرس غـلا ... ماهـي حمـارة مكـدة

من طرف **نديم الجرح** الجمعة 05 سبتمبر 2008, 9:18 pm

الله عليك روووووووعه كلمات في قمة الروعه

كل القصيده من اولها الا اخر بيت فيها اعجبتني

عواااافي يابدور

البنت خد ... وقـد ... ونواظـرٍ سـود
وريحة غلاً ... ياسعد مـن شـم نـده

من طرف **بــدور** الجمعة 05 سبتمبر 2008, 9:30 pm

يعااافيك ربي على المرووور

شااكره مرورك انرت صفحتي

من طرف **أبو وسيم** الجمعة 05 سبتمبر 2008, 11:06 pm

البنت خد ... وقـد ... ونواظـرٍ سـود
وريحة غلاً ... ياسعد مـن شـم نـده

رووووووووووعه بدوور

البنـت إلا ضحكـت ثمرهـا لـك ورود
يا خوي مـن يقطـف نواويـر وردة

جميلة الابيات

يسلمووو بدوور على روائعك

وتقبلي مروري

ولك تحياتي

أبو وسيم

من طرف **بــدور** السبت 06 سبتمبر 2008, 9:16 pm

يخليك ربي شااكره مرورك يابو وسيم

مروك اسعدني

تدري وش اللي يتعب البنت ياخوي...؟!

تدري وش اللي يتعب البنت ياخوي...؟!

رد: تدري وش اللي يتعب البنت ياخوي...؟!

رد: تدري وش اللي يتعب البنت ياخوي...؟!

رد: تدري وش اللي يتعب البنت ياخوي...؟!

رد: تدري وش اللي يتعب البنت ياخوي...؟!