الفقر ماهو عيب ياراي المال

من طرف **نديم الجرح** الأحد 12 أكتوبر 2008, 5:29 pm

صباح \ مساء الورد
الفقر ماهو عيب ياراعـي المـال

والمال ماهو مطلـب للكمالـي

العيب يوم اسمك مع الناس رجال

وإذا اعتزوا بك ماتشيل الثقالـي

العيب يوم إنك على الخلق تحتال

تشري الذمم وتبيعهـا بالريالـي

العيب يوم إنك تكّبـر وتختـال

نسيت بأن الله عزيـز الجلالـي

قادر يخلي كل عرشك والأمـوال

مصيرهـا للتهلكـة والـزوالـي

أنا على فقري ترى ما اقطع وصال

وماخون عهد قد قطعتـه محالـي

أنا على فقري أضيّـف بفنجـال

كريم باللي مالكه مـن حلالـي

انا على فقري ترى طيب الفـال

مانيب مثل اللي ثقيـل الظلالـي

أنا على فقري تريحت في البـال

أكبر همومـي ماتزيـد إنشغالـي

خذها نصيحة صدق ياراعي المال

في القبر ماينفعك غيـر الفعالـي