يـقـولـون مـالايـفـعـلـون

يقولون مالايفعلون


مابقى الاسود الأيام تحرمك الرقاد
كيف الأوهام تجرى تسريك مغبون

من متى تجزع من الدمع وتخاف الأبعاد
من متى تقذيبك ظنون وتجيبك ظنون

صرت آخذ كذبتي صدق وامزاحي اوكاد
لو اني بقول اخونك تحسب اني بخونك

ماتعرف ان كل شاعر يهيم بكل واد
وانهم يقولون مالا يفعلون

,, ابك انا لو قلت اني بنساك وانكرت الوداد
والله اني مانسيتك ولاهم بحزنون

من جزع بصفعة الشمس يطمع بالبراد
ومن فقد وجهاته الخمس يلقابك ركون

اعتبرها فهوة انسان او كبوة جواد
لوتسمح فأنت غالي ولو تجرح تمون

عد صداتك مروه وطعناتك ضماد
خلهن لاراحن طعون ولارد طعون

خنجرك يستاهل الطعن ومتوني شداد
ومنك يازين الخناجر ويابخت المتون

رد لي حنية المزح بأحساس الجمال
خلنا واحد يجي صلب والثاني حنون

موت فيني واندفن فيك بثياب الحداد
وإن حييت اموت لرضاك وأحيابك بهون

مره ارقد بالكفن وانت ترقد بالمهاد
ومره ارقد بالهمد ومره ترقد بالكفون

دري ان شجونك شجون وعنادك عناد
والبلا ان عنادك عناد وشجونك شجون

ربك اللي سخرك لي تقود وماتقاد
والله الخالق ولله في خلقه شئون

أزرع من ضلوعي ارضاك وابشر بالحصاد
نعنبو من جيت ترضيه وترد محزون

بس تسوالك بلد قوول تسوالك بلاد
أنت كل العالم بكون وانت لحالك بكون

مابعد حبك حب ومرادك مراد
غير كونك سيد أحشاي تدري من تكوون ؟

نعمتين اختصوا الخلق من جود الجواد
كافل الأرزاق من حيث مالاتعلمون

البنون ونعمة المال في عيون العباد
زينة الدينا بلاشك في كل العيون

مثل زينة دنيتي بس عندي شي زاد
من عرفتك صار المال وانته والبنون

ا نتي شيبة نشوة التيه لعناق الرشاد
وأفزعلك لفزعة القرم لشهاب الزبون

واحصنك تحصين الأرزاق عن درب الفساد
وأعشقك عشق المظاليم لفراق السجوون

لويزيد الشوق جمرة تحولني رماد
ولويزيد العشق شعره بوصل للجنون

خل هقواتك كبيره ونظراتك بعاد
كانك انت بكبرك تهون ومن اللي مايهون

أزعلك وأرهن حياتي تحت رحمة زناد
تهبه لاوالله الا انت والموت تهبون

عاد اذا مارضاك هرجي ولا اللي قلت فاد
إنالله وإنا إليه راجعون

وأنت باكر بتعرف على ناس جداد
والكلام يجيك من كل شكل ولون

لاتحسب ان كلمة تسمعها وكاد
ولاتصدق هرج شاعر وتخدعك الضنون

دايم اعرف ان كل شاعر يهيم بكل وااد
وانهم دايم يقولون مالا يفعلون

حتى انا اللي قلت اعشقك وماطيق البعاد
يمكن اطلع ماعشقتك ولاهم يحزنون

الشاعر:
حــــــــامد زيد